ቅዱስ ገብርኤል ደጉ መልአክ

9-11-2014

"እኔ በእግዚአብሔር ፊት የምቆመው ገብርኤል ነኝ" --- ሉቃስ ፩፥፲፱

And the angel answering, said to him: I am Gabriel, who stand before God: and am sent to speak to thee, and to bring thee these good tidings. --- Luke 1:19

ኃያል ነህ አንተ

ትንቢተ ዳንኤል፤ ምዕራፍ ፫፥፩-፻

Daniel 3:1-100

ኃያል ነህ አንተ ኃያል 

ደጉ መልአክ ገብርኤል (፪)

ይውደቅ ይሸነፍ ጠላት 

አንተ ተራዳን በእውነት (፪)

በዱራ ሜዳ ላይ - - - ገብርኤል

ጣኦት ተዘጋጅቶ - - - ገብርኤል

ሊያመልኩት ወደዱ - - - ገብርኤል

አዲስ አዋጅ ወጥቶ - - - ገብርኤል

ሲድራቅና ሚሳቅ አብደናጎም ጸኑ

ጣዖቱን ረግጠው በእግዚአብሔር አመኑ

ተቆጣ ንጉሡ - - - ገብርኤል

በሦስቱ ሕጻናት - - - ገብርኤል

ጨምሯቸው አለ - - - ገብርኤል

ወደ እቶን እሳት - - - ገብርኤል

ከሰማይ ተልኮ ደረሰ መልአኩ

ከሞት አዳናቸው በእሳት ሳይነኩ

ከእቶኑ ስር ሆነው - - - ገብርኤል

ዝማሬ ተሞሉ - - - ገብርኤል

ገፍተው የጣሏቸው - - - ገብርኤል

በእሳቱ ሲበሉ - - - ገብርኤል

አልተቃጠለችም የራሳቸው ፀጉር

አዩ መኳንንቱ የእግዚአብሔርን ክብር

ናቡከደነፆር - - - ገብርኤል

እጁን በአፉ ጫነ - - - ገብርኤል

ሠለስቱ ደቂቅን - - - ገብርኤል

ከእሳት ስላዳነ - - - ገብርኤል

ይክበር ጌታ አለ የላከ መልአኩን

ሊያመልከው ወደደ ስላየ ማዳኑን።

ሊቀ መዘምራን ዲያቆን ቴዎድሮስ ዮሴፍ

https://youtu.be/_0leJgcZ9dM

+++   +++   +++

ሰላም ለኪ እያለ

የሉቃስ ወንጌል፤ ምዕራፍ ፩፥፳፮-፴፰

Luke 1:26-38

ሰላም ለኪ እያለ (፪)

ሐርና ወርቁን ስታስማማ

የገብርኤል ድምፅ ተሰማ

ተሰማ የመልአኩ ድምፅ ተሰማ

ተሰማ የገብርኤል ድምፅ ተሰማ

ውኃ ስትቀጂ ክንፉን እያማታ

ሊያበሥርሽ የመጣው በታላቅ ደስታ

ከሞገስሽ ብዛት (፪) ሲታጠቅ ሲፈታ

አቅርቦልሽ ነበር የክብር ሰላምታ።

የምሥራቹን ቃል ምሥጢር ተሸክሞ

ገብርኤል ተላከ ሊያረጋጋት ደግሞ

እርጋታ ተሞልታ (፪) ነገሩን መርምራ

የመልአኩን ብሥራት ሰማችው በተራ።

ይደሰታል እንጂ መንፈሴ በአምላኬ

በምስጋና ሳድር ዘወትር ተንበርክኬ

ሐሳቤ ለቅፅበት (፪) ሌላ መች ያስባል

ለእኔ ልጅን መውለድ እንዴት ይቻለኛል?

ከአንቺ የሚወለደው ልዑል ነው ክቡር

የተመሰገነ በሰማይ በምድር

ምሥጢሩ ኃያል ነው (፪) ይረቃል ይሰፋል

ከአንቺ በቀር ይኽን ማን ይሸከመዋል?

ዕፁብ ነው ድንቅ ነው አንቺን የፈጠረ

አንቺን በመውደዱ ሰውን አከበረ

ዓለም ይባረካል (፪) በማሕፀንሽ ፍሬ

ክብርሽን አልዘልቅም ዘርዝሬ ዘርዝሬ።

ሊቀ መዘምራን ይልማ ኃይሉ

https://youtu.be/AASHYqcWxcM

+++   +++   +++

አንድ እምነት ነው

ሊቀ መዘምራን ኪነጥበብ ወ/ቂርቆስ 

አንድ እምነት ነው (፪)

ጽኑ ሃይማኖት ነው

ነቢያትን ትንቢት ሲያናግር የኖረው (፪)

አንድ እምነት ነው (፪)

ጽኑ ሃይማኖት ነው

አብርሃምን ለአምላክ ወገን ያደረገው (፪)

አንድ እምነት ነው (፪)

እርሱም ተዋሕዶ ነው

ለምግባረ ሠናይ መሠረት የሆነው (፪)

አንድ እምነት ነው (፪)

ጽኑ ሃይማኖት ነው

ሠለስቱ ደቂቅን ከእሳት ያወጣቸው (፪)

አንድ እምነት ነው (፪)

እርሱም ተዋሕዶ ነው

በሐዋርያት ላይ መንፈስን የላከው (፪)

አንድ እምነት ነው (፪)

እርሱም ተዋሕዶ ነው

ከእደ ረበናት ሶስናን የረዳት (፪)

አንድ እምነት ነው (፪)

ጽኑ ሃይማኖት ነው

ከአፈ አናብስት ዳንኤልን ያዳነው (፪)

አንድ እምነት ነው (፪)

ጽኑ ሃይማኖት ነው

እኛም በእምነት ጸንተን እንከተላቸው (፪)

አንድ እምነት ነው (፪)

እርሱም ተዋሕዶ ነው።

https://youtu.be/RJG_1Ze0LYo?si=cj2tVprZwCR9hP44

ቅዱስ ያሬድ ማኅሌታይ፥ ዋይ ዜማ!

https://youtu.be/LcBZDUwesK8